Монгол Улсын Үндсэн хуулийн цэц 2024 оны 11 дүгээр сарын 01-ний өдрийн Дунд суудлын хуралдаанаар Монгол Улсын шүүхийн тухай /Шинэчилсэн найруулга/ хуулийн 50 дугаар зүйлийн 50.1.1, 50.1.23 дахь заалт Үндсэн хуулийн Аравдугаар зүйлийн 2 дахь хэсэг, Арван зургадугаар зүйлийн 14 дэх заалт, Дөчин долдугаар зүйлийн 1, 2, Дөчин наймдугаар зүйлийн 1 дэх хэсэг, Дөчин есдүгээр зүйлийн 1, 2, Тавин зургадугаар зүйлийн 1 дэх хэсгийг тус тус зөрчсөн эсэх тухай маргааныг хянан хэлэлцээд уг маргааныг хэрэгсэхгүй болгож магадлал гаргалаа.

        Энэхүү магадлалд дээрх хуулийн 50 дугаар зүйлийн холбогдох зохицуулалтыг боловсронгуй болгон хуульчлах, эрх зүйн хэм хэмжээний давхардал, хийдлийг арилгах, сахилгын зөрчлийг шалган шийдвэрлэх үндэслэл, журмыг нарийвчлан зохицуулах шаардлагатай байгааг тэмдэглэсэн байна.