• About: admin

Posts by admin:

  • Үндсэн хуулийн цэц, цэцэд маргаан хянан шийдвэрлэх тухай хуулиудын ажлын дэд хэсэг Карлсруе хотод ажиллав

    Монгол Улсын Үндсэн хуулийн хяналтыг боловсронгуй болгох зорилгоор УИХ-аас Үндсэн хуулийн цэцийн тухай хууль, Үндсэн хуулийн цэцэд маргаан хянан шийдвэрлэх тухай хуулийг шинэчлэх ажлын хэсэг байгуулсан билээ.
    УИХ-ын гишүүдээс бүрдэх уг ажлын хэсэгт мэргэжлийн дэмжлэг үзүүлэх судлаач, цэцийн гишүүд, УИХ, ХЗДХЯ-ны төлөөллөөс бүрдэх ажлын дэд хэсгийн гишүүд 12 сарын 3 – 7-ны өдрүүдэд Ханнс-Зайделийн сангийн урилгаар ХБНГУ-ын Карлсруе дахь Холбооны үндсэн хуулийн шүүхээр зочилж үйл ажиллагаатай нь танилцлаа.

  • Өмгөөллийн тухай хуулийн зарим заалт Үндсэн хууль зөрчсөн эсэх маргааныг хянан хэлэлцэнэ

    Монгол Улсын Үндсэн хуулийн цэц нэр бүхий иргэний гаргасан мэдээллийн дагуу Улсын Их Хурлаас 2019 оны 10 дугаар сарын 18-ны өдөр баталсан Өмгөөллийн тухай хуулийн 8 дугаар зүйлийн 8.6.3 дахь заалт Үндсэн хуулийн холбогдох заалтыг зөрчсөн эсэх асуудлаар маргаан хянан шийдвэрлэх ажиллагаа үүсгэсэн билээ.

  • “Монгол Улсын Үндсэн хууль: уламжлал ба шинэчлэл” тусгай үзэсгэлэн монголын үндэсний музейд нээгдлээ

    Монгол Улсын Үндсэн хуулийн уламжлал, шинэчлэлийн түүхэн замналыг олон нийтэд сурталчлан таниулах, улс төрийн үнэ цэнэ, сургамж, цаашид хэрхэн улам бүр боловсронгуй болгож шинэтгэх талаар ард иргэдэд ойлгуулан мэдүүлж түгээхэд энэхүү үзэсгэлэнгийн зорилго оршиж байгаа юм.

  • Үндсэн хуулийн цэцийн дунд суудлын хуралдаанаас магадлал гаргалаа

    Иргэн С.Дорждуламын мэдээлэл, гомдлын дагуу үүсгэсэн Хөдөлмөрийн тухай хууль /Шинэчилсэн найруулга/-ийн 82 дугаар зүйлийн зарим заалт Монгол Улсын Үндсэн хуулийн холбогдох заалтыг зөрчсөн эсэх маргааныг Үндсэн хуулийн цэцийн өнөөдрийн /2022-11-30/ дунд суудлын хуралдаанаар хэлэлцлээ.

  • Хууль зүйн байнгын хорооны дарга БНИУ-ын Үндсэн хуулийн шүүхийн шүүгч Манахан М.П.Ситомпултай уулзлаа

    Монгол Улсын Их Хурлын Хууль зүйн байнгын хорооны дарга Л.Мөнхбаатар 2022 оны 11 дүгээр сарын 29-ний өдөр Индонез Улсын Үндсэн хуулийн шүүхийн шүүгч, доктор Манахам М.П.Ситомпулыг хүлээн авч уулзлаа.
    Байнгын хорооны дарга Л.Мөнхбаатар ноён Манахам М.П.Ситомпулыг хүлээн авч уулзах үеэр Монгол Улсын Үндсэн хуулийн цэцийн тухай, Үндсэн хуулийн цэцэд маргаан хянан шийдвэрлэх ажиллагааны тухай хуулийн шинэчилсэн найруулгын төслийг боловсруулах, Улсын Их Хуралд өргөн мэдүүлэх ажлын хэсэг байгуулагдан ажиллаж байгаа энэ цаг үед уулзаж, санал, туршлага солилцож байгаадаа баяртай байгаагаа илэрхийллээ.

  • Индонезийн Үндсэн хуулийн шүүхийн төлөөлөгчид манай оронд айлчиллаа

    Монгол Улсын Үндсэн хуулийн цэцийн дарга Н.Чинбат Бүгд Найрамдах Индонези Улсын Үндсэн хуулийн шүүхийг төлөөлж манай оронд айлчилж буй тус улсын Үндсэн хуулийн шүүхийн шүүгч, доктор Манахан М.П.Ситомпул тэргүүтэй төлөөлөгчдийг өнөөдөр /2022-11-28/ хүлээн авч уулзлаа.

    Уулзалтын үеэр Монгол Улсын Үндсэн хуулийн цэцийн дарга Н.Чинбат манай хоёр орны харилцаа, хамтын ажиллагаа эртний түүхтэй бөгөөд энэ уламжлалыг үргэлжлүүлэх нь Үндсэн хуулийн шүүхүүдийн хамтын ажиллагааны гол чиглэл байх ёстой гэж үзэж байгаагаа илэрхийллээ.

  • 11 дүгээр сарын 26-ны өдөр бол Анхдугаар Үндсэн хуулиа баталж, Бүгд Найрамдах Улсаа тунхагласан өдөр

    Тэртээх 1924 оны 11 дүгээр сарын 26-ны өдөр Ардын Бүгд Найрамдах Улсаа тунхаглан, анхдугаар Үндсэн хуулиа баталсан билээ. Ийнхүү Монгол Улс анхдугаар Үндсэн хуулиа батлаад хэдийн 98 жилийг ардаа үлдээжээ. Энэхүү үйл явдал нь манай улсыг Бүгд Найрамдах байгуулалд шилжин орсон Ази тивийн анхны улсын нэг болгосон байна.

  • Монгол түүхээрээ, энэ түүхийг бүтээсэн ард түмнээрээ бахархах өдөр

    Монгол Улсын Ерөнхийлөгчийн 2012 оны 1 дүгээр сарын 9-ний өдрийн 4 дүгээр зарлигаар эзэн богд Чингис хаан-Тэмүжиний мэндэлсэн огноог холбогдох ажлын хэсгийн дүгнэлт болон Монгол Улсын Шинжлэх ухааны Академийн саналыг үндэслэн албан ёсны болгож, билгийн тооллын гуравдугаар жарны усан морин жил буюу 1162 оны өвлийн тэргүүн сарын шинийн нэгэн гэж тогтоон Их хааны мэндэлсэн өдрийг “Монгол бахархлын өдөр” гэж нэрийдэж бүх нийтээр тэмдэглэж байхаар болсон билээ.

  • Хөдөлмөрийн тухай хуулийн зарим заалт Үндсэн хууль зөрчсөн эсэхийг хянан шийдвэрлэнэ

    Монгол Улсын Үндсэн хуулийн цэцийн дунд суудлын хуралдааныг 2022 оны 11 дүгээр сарын 30-ны өдөр хийхээр товлоод байна.

    Хуралдаанаар Хөдөлмөрийн тухай хууль /Шинэчилсэн найруулга/-ийн 82 дугаар зүйлийн 82.1.1, 82.1.2, 82.1.3, 82.1.4 дэх заалт, мөн зүйлийн 82.5 дахь хэсгийн зарим заалт Үндсэн хуулийн холбогдох заалтыг зөрчсөн эсэх тухай маргааныг хянан шийдвэрлэнэ.